O festival

Unha Casa Rural no corazón das Rías Baixas, 3 parellas fantásticas de profesores, festas, banda en directo, DJs, boa comida, tasters de blues e collegiate shag, un grupo de lindy hoppers ávidos de baile e risas, e moitas sorpresas…. estes son os ingredientes do Enxebre Swing Festival!

Cartel Enxebre Swing FestivalO festival foi concebido e organizado pola Asociación Cultural Ghastas Pista Swing, unha asociación de lindy hoppers de Galicia, que en menos dun ano de vida conseguiu organizar xa dous festivais, e numerosos eventos. Dende a organización podemos garantir que, como é habitual, ides gozar dun evento creado e concebido con todo o agarimo do mundo.

Esta edición do Enxebre Swing Festival conta con 3 niveis de clases, e para cada nivel, os asistentes poderán gozar de 6 horas de clases. Os profesores Pablo e Julia (Madrid), e Dani e Miky (Barcelona), serán os encargados de impartir clases en todos os niveis. As dúas parellas teñen unha gran experiencia como profesores e bailaríns, e son coñecidos nas súas cidades por ser grandes dinamizadores da comunidade swing, e portadores do espírito de bo rollo do lindy hop.

DSC02675Ademais haberá 2 festas coa banda The Salty Dog Jazz Band, formada por recoñecidos músicos galegos, que nos farán bailar como se non houbese mañá! Tamén desfrutaremos de DJ Joe, famoso nas noites swing portuenses pola boa selección musical. A festa do venres dará inicio cun taster de blues a cargo de Joe e Joana (Oporto), e a festa do sábado cun taster de collegiate shag a cargo de Dani e Miky, para que, quen queira, poida probar estes estilos de baile.

vacalouraUn dos puntos fortes do festival é o seu coidado pola selección de productos sostibles e, como non, enxebres! Por iso, quen coma e beba no festival, degustará productos típicos de Galicia. Como proba, a cervexa e o viño escollidos para acompañarnos durante o festival.
A cervexa será Vacaloura, unha cervexa producida artesanalmente no Val Miñor, feita a base de productos ecolóxicos, e que popacololaderedes desfrutar durante o festival a prezos moi asequibles. É fresquiña, non vos preocupedes pola sede!!
O viño será un albariño DO, da casa Paco&Lola, producidos na Comarca do Salnés, unha das máis importantes de Galicia da variedade albariño. Ideal para tomar acompañando as comidas enxebres do festival, ou degustalo solo.

Os asistentes terán a opción de comer e/ou aloxarse no escenario do festival: Casa Videira.