INICIO

Enxebre Swing Festival… onde as cabras fan swing outs

Do 21 ao 23 de abril… volve o Enxebre Swing Festival. Seis horas de clases de lindy hop, dúas festas con banda, tasters de shag e balboa, competición J&J BiRol, cervexa artesanal, natureza, vila mariñeira, casa rural… e moitas sorpresas!

As clases e as festas desenvolveranse en Casa Videira, unha casa rural no corazón da Península do Morrazo (Rías Baixas), a tan só 10 minutos a pé do centro de vila mariñeira de Bueu. Os asistentes poderán aloxarse na casa rural ata agotar prazas, a través da inscrición ao festival.

Esta nova edición conta con 3 niveis de clases con Fosy e Andrea (Vitoria)Sandra e Javi (Madrid) As dúas parellas son moito máis que profes de baile… ademais da súa experiencia como profesores e bailaríns, son ben coñecidos nas súas cidades e fóra delas por ser grandes dinamizadores da comunidade swing, e portadores do espíritu do lindy hop alá onde van.

Haberá 2 festas coa Vicus Swing Band, e coa selección musical dos mellores DJs de Swing On School, un taster de shag con Andrea e Jorge (Swing On School), un taster de balboa con Sandra e Javi (Minor Balboa), e un concurso J&J BiRol.

vacalouraUn dos puntos fortes do festival, é o seu coidado pola selección de productos sostibles, e como non, enxebres! Por iso, quen coma e beba no recinto do festival poderá degustar productos típicos de Galicia. E como proba, este ano a cervexa do festival volverá a ser  Vacaloura, unha cervexa producida artesanalmente no Val Miñor (Gz), feita a base de productos ecolóxicos, e que poderes desfrutar durante o festival a precios moi asequibles! Tamén volveremos a contar co albariño de Paco & Lola, e para a comida poderemos desfrutar dos productos de A Despensa na Terra.

O festival está organizado por Swing On School, a primeira escola de bailes swing de Galicia, que comezaron a súa andaina en Bueu en 2012, e que leva máis de 4 anos compaxinando as clases de lindy hop e balboa coa organización de innumerables eventos, incluíndo festivais, fins de semana con profesores internacionais, festas, concertos, clandestinos e un sinfín de actividades.